Posts

Hmangahna dik

              Worldometer-in a chhût danin khawvelah hian mihring 8,101,057,327 awm angin a chhût a. Mihring tlûklehdingawn tam tak karah hian “Tu nge ka nih? Eng nge ka ṭangkaina?” tiin i inzawt ve ngai em. Ṭangkaina leh hlutna nei lo ni anga inhriat châng i nei em? World Health Organization chuan ni tin mi 150,000 boral ziah angin an chhût a. Chûng zinga i tel lo ngawt pawh chu vannei intihna tham a ni. Mahse, chung zinga i tel ve loh chhan i hria em? Pathianin a hmangaih che a, amah fak leh chawimawi tûrin ala duh vang che a ni.                A tana tih theih kan neih tlem tehlul nen hian nang leh kei hi kan fel leh ṭhat bik vang ni lovin amah chawimawi tûrin kan nunna ala zuah tlat hian Pathian hmangaihna thûkzia leh ropuizia a va tilang chiang tak êm. Kan dam chhan hi kan hre lovang tih a hlauhawm hle mai. I nun hlui vangin emaw, i tun nun vangin emaw, in chhungkaw dinhmun emaw vangin amah fak i tim a ni thei. Mahse ani chuan dinhmun hniam bera i awm lai pawhin “Ka fa” a ti che a
Post a Comment
Read more

Mi au la ka chhang ang che

          Mihring kan nih angin kan lo pian chhuah chiah hian harsatna leh manganna tâwk tûrin khawvel kan hmachhawn nghal a. Chu chu khawvel pian ken a ni.           Tunlaiah ṭhalai tak takin an nunna hlu tak an la a.National Computer Education Board Skill Development (NCEB)-in a tar lan danin 2021 khan zirlai naupang 13,089 lai maiin an nunna an la a. Mizoram ngeiah pawh thla tin June thla thleng khân mi 9 zel intihlum anga chhût a ni. January aṭanga June thla inkar lêk khan Dr Zawmsanga Sailo NGO New Life Charity Society (NELICS)-a chairman ni lai chuan khâng thla thum chhung lêk khan mi 52 lai maiin an nunna an la niin a sawi.          A chhan bulpui ber chu kan harastna leh manganna tawh te kan hneh zawh lo vang te, chu harsatna tih reh nana ruihhlova kan tlan vang te a ni. Kan harsatnate vangin Pathian lakah kan vui fo a, kan ringhlel fo ṭhin. Joba, Bible-in mi fel famkim a tih meuh pawh kha harsatna vawrtawp tawkin, a ke phah aṭanga a chhip thlengin pân chhiain a khat a, mahse,
Post a Comment
Read more

Zoram i mawi mang e

Vangkhua mawiin Tlaizawng a par chi chiai e, Valnema dawn lo tê'n hun lah a her li liai e, Van zawlah zan Lalnu lah a eng ri riai e, Raltiang ram ka thlir ning lo, Romei zâmin a bawm chi chai e, Rianghlei naufa lung lawm nan, Rengchal pa'n zaiin min awi, Zoram i mawi mang e, Zing ṭhian Bawhar mah hian, Zoram, i mawi thu a hril e. Chung tûr ni sen sa hnuaiah, Chuailopâr mawi lung tilengtu, Chul hlei lo'ng e ka chhingmit a'n, Chuai hlei lo'ng e
Post a Comment
Read more

Lawm ka zir tang e

A mawi mang e, Raltiang ram saw; Kei ang renga lungleng awm ve maw? Valnema ianga lungdi lung dum lo Val, Awm hian ka ring e, Aw ka riang lua e, Hringmi leng zing a'n: Theih chang se chung mu vanlai iangin, Thlawkin leng ila, Ka Di siang lawina an run in chung ngeiah, A sakhmel mawi tawn changin, Thinlai rûk lawm ṭhin mah se: Hai ang ṭhángin ka dawn a, A thinlai rêng ka luah pha lo, Ka chhingmitin a sakhmel mawi, Ka hmuh theih chhung chu, Lawm ka zir tang e.
Post a Comment
Read more

Tleitir tuai tir hmelṭhai liam tur

Favang ral lam ni tla tur chuan a hmel ṭha tak mai chu a mawina belhchhahsak tum emaw tih tur hian a chhun paw phek a. An ṭhianho zingah chuan a sang ber lo na a, a langsar ber a, kut thawh hauh lova ka mit la-tu a ni.  A bahsam uluk taka enkawl tih hriat tak mai chu a dum mam tel siau a, niin a chhun vang ni maw a sen deuh lek lekin ka hria. A vun rawng chu favang chhum anga maia var nung sar a ni a, a heh chu zohniar kaih luh ang maiin a sen no chek a. A taksa chuan ria lam aiin chum lam a pâwl zawk a, chu chu a inhmeh tak zet. Kan ṭhianhova kan ṭhutna thlan lung hlui tawh tak aṭang chuan mit tla lêk lovin ka en reng a, ka en a ka en nawn a, ka en ning thei chuang si lo. Amah kha hmuhnawm a tling êm a ni. A hmel en ringawt pawh chuan thlasik ala hmang liam tlem tih a inhriat hle a, kei ai fe-in a nau tihna a nih chu.  Kan hranghlui zaithiam pu Lallianmawia Pachuau-in, “I chûn nu leh zua tal han chang thei ila” a tih leh te, Vanlalsailova'n “Tu hraileng chawi nge maw i nih le, ti
Post a Comment
Read more

Hmanlai leh kristian ram

Hmanlai kan han tih hi chuan kan rilruah Mizote Krisitian kan nih hma, thing bul biaa kan la mawl viau lai kha a lang ber awm e. Mahse chu kan mawl viau hunlai chu tuna Kristian ram kan intih hnu hian kan tluk chiah em le? ‘It's my life’ tih thupui a neite hian ‘dam leh tlang khatah thih leh ruam khatah’ tite kha kan tluk chiah ang em le? Sem sem dam dam ei bil thi thi tiin, mahni thil neih ang angte mite sem ve chu damna, mahni-a pumbilh chu thihna tih nunpuitute kha Kristian intite hian kan tluk chiah em? Keini Kristian intite hi chuan ei bil dam dam sem sem thi thi tih hi kan nunpui a ni hawt e. Hman deuhva “Pu In thei kan lo aw” kan tih ṭhin te kha tunah chuan ‘chêng’ tel lo chuan kan eiin ka in thei ta lo. Engtik lai khan nge tui hi kan lo zawrh tak le? Sum hian Kristiante hi kan mit a tidel zo ta em ni? Mi retheite kuta chaw ṭhing pawh kan ît chuan kan laksak hreh tawh lo. Ram hmangaihtu inti, politician hrawk bawk chunga ram hmangaihtute ngei hian a ni, hêng mi retheite ham
Post a Comment
Read more

I DAM

Ziaktu: Phuaibuang Tlangval JDa Ka chuanna bike tawt lutuk ka tlak lek lekna aṭang chuan ka chhuk a, kan khuaa dawr lian ber, Pu Joel-a dawrah chuan lutin V leh Sunday coffee mix chu ka lei a. KṬP advance Christmas-a gift exchange ami tur a ni ka lei ni, ka zûk tur emaw in lo ti ang e. Ka ṭhiante chuan hmeichhe duhzawng tur ni-a an hriat chu an lei sap sap a, an uluk em em mai leh nghal. Dar 6 a rik chuan kan biak in dar chu a ri ral ral a, kan ṭhianho pawh present kengin tlar hnung berah kan ṭhu far hlawm a. Ka present bawm siam chu a lian fu na-in V leh Sunday coffee mix chiah ka dah vang chuan ka ṭhiante'n mi nuih ṭiah ṭiah reng a, kan hruaitu chuan ṭantu a ko takah chuan kan nui lai pawh kan tawp chat a. Ṭantuin kan lam a rawn hawi chu le...awi ka nu, ava han hmelṭha tehreng em! A hmel chu ṭha vût lo mah se, a hmel a fel faiin a fresh sâr mai a, simple takin a hmelṭha a, chu chuan ka thinlung a hneh hle a, mahse a kum en reng reng pawh chuan kei ai kum 7-8 talin a upat ka ring.
Post a Comment
Read more